இலங்கை கிரிக்கெட்டை கட்டியெழுப்ப தேரர் ஒருவர் போட்டி

இலங்கை கிரிக்கெட் நிறுவனத்தின் தேர்தலில் போட்டியிட பத்தரமுல்லை சீலரத்ன தேரர் வேட்புமனு தாக்கல் செய்துள்ளார்.

ஜனசெத பெரமுன கட்சியின் முன்னாள் ஜனாதிபதி வேட்பாளரான பத்தரமுல்லை சீலரத்ன தேரர் இலங்கை கிரிக்கெட் நிறுவனத்தின் துணை தலைவர் பதவிக்கு போட்டியிட இன்றைய தினம் தனது வேட்புமனுவை தாக்கல் செய்துள்ளதாக இலங்கை கிரிக்கெட் நிறுவன தகவல்கள் தெரிவிக்கின்றன.

இலங்கை கிரிக்கெட் நிறுவனத்தின் தேர்தல் மே மாதம் 20 ஆம் திகதி இடம்பெறவுள்ள அதேவேளை, பெப்ரவரி 24 ஆம் திகதி வரையில் வேட்புமனு தாக்கல் செய்ய முடியும் என இலங்கை கிரிக்கெட் நிறுவனம் தெரிவித்துள்ளது.